Genious Web

Articles

Lo Capolièr al Parlament de Catalonha*

Lo capolièr del Felibritge, Pèire Fabre, foguèt recebut pel president del Parlament de Catalonha. Cal dire que Pèire Fabre veniá pas las mans vuèjas. Portava las doas copas que son lo simbèu de l'amistat entre païses occitans e païses catalans. Aquelas doas copas son las qu'escambièron occitans e catalans en 1867 e 1878. Son las copas nascudas de l'amistat entre Víctor Balaguer e Frederic Mistral. Balaguer exiliat, foguèt un amic de Mistral e los dos òmes demorèron amics après lo retorn de Balaguer a Catalonha e après que foguèsse vengut parlamentari.

 

Lo novèl president del Parlament catalan, Ernest Benach, jove president d'Esquerra Republicana, a recebut Pèire Fabre en rason de las relacions amistosas qu'existisson dempuèi longtemps entre catalans e occitans mas subretot pr'amor sèm dins l'annada del cencinquantenari de la creacion del Felibritge, qu'es tanben l'annada del centenari del Prèmi Nobel de literatura autrejat a Frederic Mistral.

 

Es pas sovent que las doas copas d'argent son presentadas amassa. L'una es consevada a Barcelona e l'autra es conservada pel Capolièr. L'una foguèt ofèrta pels catalans als felibres en 1867 e es onze annadas mai tard que los felibres mandèron una copa als catalans.

 

* La Setmana nº 448